Marneulidə etiraz aksiyası başa çatdı – saxlanılanlar azad edildi

Marneuli–Sadaxlı yolunda keçirilən etiraz aksiyası başa çatıb.

InterPress.ge xəbər verir ki, aksiya zamanı saxlanılan iki nəfər artıq azadlığa buraxılıb.

Etirazçılar növbəti mərhələdə Marneuli meriyasında görüş keçirəcəklər.

Sakinlər bildiriblər ki, əgər onların tələbləri yerinə yetirilməzsə, etiraz aksiyaları yenidən davam etdiriləcək.

Qeyd edək ki, etirazın əsas səbəbi yerli kənd təsərrüfatı məhsullarının, xüsusilə pomidor və xiyarın satışında yaranan problemlərdir. Aksiya iştirakçıları xaricdən idxal olunan məhsulların yerli bazara mənfi təsir göstərdiyini bildirir və bu sahədə dövlət dəstəyinin artırılmasını tələb edirlər.