Tramp: Hörmüz boğazını açsaq, İranla razılaşma mümkün olmayacaq

ABŞ prezidenti Donald Tramp Hörmüz boğazı ilə bağlı açıqlama verib.

InterPress.ge xəbər verir ki, Tramp sosial şəbəkədə yazıb ki, İran boğazın açıq qalmasında maraqlıdır, çünki bu yolla gündə təxminən 500 milyon dollar gəlir əldə edir.

Onun sözlərinə görə, Tehran boğazın bağlanması ilə bağlı bəyanatları yalnız “imic qorumaq” məqsədi ilə səsləndirir.

Tramp iddia edib ki, hazırda ABŞ tərəfindən tətbiq olunan blokada səbəbindən İran faktiki olaraq bu marşrutdan istifadə edə bilmir.

ABŞ prezidenti vurğulayıb ki, Hörmüz boğazının açılması İranla razılaşma əldə olunmasını mümkünsüz edəcək.

Onun fikrincə, bu addım atılarsa, danışıqlarda nəticə əldə etmək çətinləşəcək.