Donald Tramp: İsrail ABŞ-ın əla müttəfiqi olduğunu sübut etdi

“İstəsələr də, istəməsələr də, İsrail ABŞ-ın əla müttəfiqi olduğunu sübut etdi.”

InterPress.ge xəbər verir ki, ABŞ prezidenti Donald Tramp bu fikirləri sosial şəbəkədə paylaşımında səsləndirib.

Onun sözlərinə görə, İsrail münaqişə və gərginlik dövründə özünü etibarlı tərəfdaş kimi göstərib.

“Onlar cəsurdur, qətiyyətlidir, sadiqdir və ağıllıdır. Digərləri isə belə vəziyyətlərdə öz həqiqi simasını göstərdi. İsrail isə mübarizə aparır və necə qalib gəlməyi bilir”, – deyə Tramp qeyd edib.

ABŞ prezidenti əlavə edib ki, bəzi digər müttəfiqlər bu dövrdə gözlənilən səviyyədə davranmayaraq fərqli mövqe nümayiş etdiriblər.