Tramp: İranın zənginləşdirilmiş uranı “ideal şəkildə qorunacaq”

ABŞ prezidenti Donald Tramp İranın zənginləşdirilmiş uranı ilə bağlı açıqlama verib.

InterPress.ge xəbər verir ki, Tramp “Agence France-Presse”ə telefon müsahibəsində bildirib ki, bu material “ideal şəkildə qorunacaq”.

“Onun qayğısına ideal şəkildə qalacaqlar, əks halda buna razılaşmazdım”, – deyə Tramp qeyd edib. Lakin o, zənginləşdirilmiş uranla bağlı konkret hansı addımların atılacağını açıqlamayıb.

ABŞ prezidenti eyni zamanda İranla əldə olunan atəşkəs razılaşmasını “tam və mütləq qələbə” adlandırıb.

“Bu, tam və mütləq qələbədir. 100 faiz. Heç bir sual yoxdur”, – deyə o bildirib.

Tramp əlavə edib ki, tərəflər arasında 15 maddədən ibarət razılaşma mövcuddur və onun böyük hissəsi üzrə artıq anlaşma əldə olunub.

“Görək nə baş verəcək, razılaşma uğurlu olacaqmı”, – deyə ABŞ prezidenti vurğulayıb.