Bidzina İvanişvili İlham Əliyevlə görüşəcək

“Gürcü Arzusu”nun fəxri sədri Bidzina İvanişvili Gürcüstana səfərdə olan Azərbaycan Prezidenti İlham Əliyev ilə görüşəcək.

InterPress.ge xəbər verir ki, bu barədə “İmedi” və “Rustavi 2” telekanalları məlumat yayıb.

Məlumata görə, Bidzina İvanişvili bu gün İlham Əliyevi biznes mərkəzində qəbul edəcək. Görüşün dəqiq vaxtı isə hələlik açıqlanmayıb.

Qeyd edək ki, İlham Əliyev bu gün Gürcüstana səfər edib və artıq Gürcüstan Prezidenti Mixeil Kavelaşvili və Baş nazir İrakli Kobaxidze ilə görüşlər keçirib.