Rustavidə “Era Teatrı”nın yeni tamaşasının premyerası keçirilib - FOTO (SƏS)

Martın 29-da Rustavi şəhərində “Bravo Teatrı” səhnəsində “Era Teatrı”nın yeni tamaşası — “Dəli psixoloqun qəribə seansları”nın premyerası baş tutub.

InterPress.ge xəbər verir ki, gürcü dilində təqdim olunan tamaşa anşlaqla keçib və tamaşaçılar tərəfindən böyük maraqla qarşılanıb.

Qeyd edək ki, səhnə əsəri Sabina Qaybəliyevanın pyesi əsasında hazırlanıb. Tamaşanın quruluşçu rejissoru Anar Rafiqoğlu, rejissor assistenti isə Vüsal Vəliyevdir.

Rollarda Səbinə Qaybəliyeva, Nurlan Fərhadov, Dinar Əhmədov, Aygün Mikiyeva və Ləman Nəbiyeva çıxış ediblər.

Məlumata görə, yaxın aylarda tamaşanın müxtəlif festivallarda iştirakı və regionlarda qastrol səfərləri planlaşdırılır.