SEMEK elektrik enerjisi tariflərini müzakirə edəcək

Gürcüstanın Energetika və Su Təchizatı üzrə Milli Tənzimləmə Komissiyası – SEMEK bu gün elektrik enerjisi üzrə istehlak tariflərinin müəyyənləşdirilməsini müzakirə edəcək.

InterPress.ge xəbər verir ki, komissiyanın iclası saat 12:00-a təyin olunub.

Qeyd edək ki, tariflərlə bağlı müzakirələrin ötən ilin sonunda keçirilməsi planlaşdırılsa da, prosesin təxirə salınması barədə qərar qəbul edilmişdi.

SEMEK-in açıqlamasına görə, elektrik enerjisi sektorunda tətbiq edilən müvəqqəti tariflər 31 mart 2026-cı ilədək qüvvədə qalacaq. Təbii qaz üzrə tariflər isə 31 dekabr 2026-cı ilədək dəyişməz qalacaq.