Geno Petriaşvili: Gənclərlə birbaşa ünsiyyət sağlam siyasi proses üçün vacibdir

Parlament çoxluğunun üzvü Geno Petriaşvili “Gürcü Arzusu”nun gənclər təşkilatının Batumidə keçirilən ilk konfransında iştirak edib.

InterPress.ge xəbər verir ki, tədbir Acarıstan bölgəsinin tələbələri ilə görüş formatında baş tutub.

Deputat bildirib ki, bu cür görüşlər və müzakirələr sağlam siyasi proses üçün vacibdir və o, gələcəkdə təşkil olunacaq bütün görüşlərdə iştirak etməyə hazırdır.

Petrişvilinin sözlərinə görə, konfransın əsas məqsədi gənclərin ehtiyaclarını, problemlərini və qarşılaşdıqları çətinlikləri birbaşa ünsiyyət vasitəsilə öyrənməkdir.

“Bu gün Batumidə idim, burada komandamızın gənclər təşkilatı və dostum Varlam Liparteliani regional konfranslara start verdi. Məqsəd sadədir – komandamız gənclərin ehtiyaclarını, problemlərini və çağırışlarını birbaşa ünsiyyətlə öyrənməyə hazırdır. Mən şəxsən bütün görüşlərdə iştirak edəcəyəm, çünki Acarıstanda keçirilən ilk konfrans məni inandırdı ki, bu cür müzakirələr sağlam siyasi proses üçün zəruridir”, – deyə o bildirib.