II İliya Sioni məbədində dəfn olunub

Bütün Gürcüstanın Katolikos-Patriarxı, Həzrətləri və Müqəddəsliyi II İliya Sioni Patriarxlıq məbədində dəfn olunub.

InterPress.ge xəbər verir ki, dəfn mərasimindən əvvəl patriarxın nəşi Sioni məbədində yerləşdirilib və onun ruhu üçün panixida mərasimi keçirilib.

Məlumata görə, II İliya Sameba kafedral məbədindən Sioni məbədinə matəm yürüşü ilə aparılıb. Patriarx “Səni sevirik, patriarx” şüarları və alqışlar sədaları altında yola salınıb.

Yürüş marşrutu boyunca hərbçilər yerləşdirilib və onlar əllərində Gürcüstan bayraqları ilə mərasimdə iştirak ediblər.

Bildirilib ki, matəm yürüşündə minlərlə insan iştirak edib və ölkənin müxtəlif bölgələrindən gələn vətəndaşlar patriarxa son ehtiramlarını bildiriblər.