Gürcüstanda bütün kilsələrdə matəm zəngləri çalınacaq

Gürcüstan üzrə bütün fəaliyyət göstərən kilsə və monastırlarda martın 21 və 22-də saat 12:00-da matəm zəngləri çalınacaq.

InterPress.ge xəbər verir ki, bu barədə Gürcüstan Patriarxlığı məlumat yayıb.

Məlumata görə, matəm zəngləri patriarxın dəfn günü – martın 22-si də daxil olmaqla kilsə və monastırlarda səsləndiriləcək.

Qeyd edək ki, bütün Gürcüstanın Katolikos-Patriarxı II İliya martın 17-də, 93 yaşında vəfat edib. Onun vəfatı ilə əlaqədar ölkədə matəm elan olunub.

Patriarx martın 22-də Tbilisidə yerləşən Sioni Patriarxlıq məbədində dəfn ediləcək.