2 yaşlı uşaq batareya udaraq ölüb

Gürcüstanın Qurcaani bələdiyyəsinin Vecini kəndində 2 yaşlı uşaq batareya udması nəticəsində həyatını itirib.

InterPress.ge xəbər verir ki, bu barədə yerli sakinlər məlumat veriblər.

Onların sözlərinə görə, azyaşlı qız oyuncağından çıxardığı batareyanı udub.

Ailə vaxtında tibbi müəssisəyə müraciət edib və uşaq Tbilisidəki klinikalardan birinə çatdırılıb, lakin onun həyatını xilas etmək mümkün olmayıb.

Hadisənin iki gün əvvəl baş verdiyi bildirilir.