WSJ: İranın Səudiyyə Ərəbistanındakı aviabazaya zərbəsi nəticəsində ABŞ-ın 5 hərbi təyyarəsi zədələnib
İranın Səudiyyə Ərəbistanındakı aviabazaya endirdiyi zərbə nəticəsində ABŞ-a məxsus yanacaq dolduran beş hərbi təyyarə zədələnib.
InterPress.ge xəbər verir ki, bu barədə Wall Street Journal nəşri amerikalı rəsmilərə istinadən məlumat yayıb.
Mənbələrin sözlərinə görə, təyyarələr bir neçə gün əvvəl İranın Səudiyyə Ərəbistanında yerləşən Şahzadə Sultan aviabazasına raket hücumu nəticəsində zədələnib.
InterPress.ge-nin məlumatına görə, amerikalı rəsmilər bildiriblər ki, İranın zərbələri nəticəsində ABŞ hərbçiləri arasında itki qeydə alınmayıb.
Onların sözlərinə görə, təyyarələr tamamilə məhv edilməyib və hazırda onların təmiri aparılır.
Qeyd olunur ki, ABŞ-ın Mərkəzi Komandanlığı (CENTCOM) hadisə ilə bağlı rəsmi şərh verməkdən imtina edib.
Xatırladaq ki, bundan əvvəl Qərbi İraqda ABŞ-a məxsus KC-135 tipli yanacaq dolduran hərbi təyyarə qəzaya uğrayıb. CENTCOM-un məlumatına görə, hadisə nəticəsində ekipajın altı üzvü həlak olub.
“İnsidentdə iki təyyarə iştirak edib. Onlardan biri Qərbi İraqda qəzaya uğrayıb, digəri isə təhlükəsiz şəkildə eniş edib. Hadisə nə düşmən, nə də dost atəşi nəticəsində baş verməyib”, – deyə CENTCOM bildirib.
