Pere Joan Pons Sampietro: “Moskva mexanizmi”nin bizim səfərlə əlaqəsi yoxdur

ATƏT Parlament Assambleyasının prezidenti Pere Joan Pons Sampietro bildirib ki, “Moskva mexanizmi”nin onların Gürcüstana səfəri ilə heç bir əlaqəsi yoxdur.

InterPress.ge xəbər verir ki, Sampietro bu barədə jurnalistlərə açıqlamasında danışıb.

Onun sözlərinə görə, görüşlər zamanı “Moskva mexanizmi” mövzusu xatırladılsa da, ATƏT Parlament Assambleyasının nümayəndə heyəti bu proseslə bağlı deyil.

“Əlbəttə, biz də xatırladırdıq, onlar da bu mövzunu qeyd edirdilər, lakin bunun bizimlə heç bir əlaqəsi yoxdur. Mənim ‘Moskva mexanizmi’nin hesabatına çıxışım yoxdur, onu görməmişəm. Düşünürəm ki, ən vacib olan odur ki, biz bütün aktorlarla dialoq qura bildik”, – deyə Pere Joan Pons Sampietro bildirib.