“Milli Hərəkat”ın birliyində ilk gərginlik – Tamar Çerqoleişvili ilə Petre Tsiskarişvili arasında mübahisə

“Milli Hərəkat”ın birliyində ilk gərginlik yaranıb. “Federalistlər” hərəkatının lideri Tamar Çerqoleişvili partiyanın liderlərindən Petre Tsiskarişvilini əldə olunan razılaşmanı pozmaqda ittiham edib.

InterPress.ge xəbər verir ki, Çerqoleişvili sosial şəbəkədə Tsiskarişviliyə müraciət edərək razılaşmaya əməl etməyə çağırıb.

“Razılaşmanı pozursan, Petre! Nəyəsə imza atırsansa, sonra onu yerinə yetirməlisən”, – deyə Çerqoleişvili yazıb.

Bu paylaşım iki siyasətçi arasında qarşılıqlı ittiham və sərt ifadələrlə müşayiət olunan mübahisəyə səbəb olub. Tsiskarişvili Çerqoleişviliyə cavabında onu “kobud, tərbiyəsiz və savadsız” adlandırıb.

Öz növbəsində Tamar Çerqoleişvili Tsiskarişvili və onun tərəfdarlarını “uğursuz və siyasi perspektivi olmayan şəxslər” kimi qiymətləndirib.

Sonradan Tsiskarişvili Çerqoleişvilinin siyasət və seçkilərlə bağlı məsələləri yalnız “riyazi ölçüdə” başa düşdüyünü iddia edərək onu sərt şəkildə tənqid edib.

Çerqoleişvili isə cavabında məsələni alyans daxilində müzakirə edəcəyini bildirib və Tsiskarişvilini razılaşmanı pozmaqda ittiham edib.

Məlumata görə, iki siyasətçi arasında yaranan gərginliyin səbəbi birliyə daxil olan “Azadlıq Meydanı” hərəkatının üzvlərinin mövqeyi olub. Onlar bəyan ediblər ki, əvvəlki hakimiyyətin rejimi ilə əməkdaşlıq etməyiblər.