İrakli Kobaxidze İlham Əliyevlə telefon danışığı aparıb

Gürcüstanın Baş naziri İrakli Kobaxidze Azərbaycan Respublikasının Prezidenti İlham Əliyevlə telefon danışığı aparıb.

InterPress.ge xəbər verir ki,bu barədə Gürcüstan hökumətinin mətbuat xidməti məlumat yayıb.

Məlumata görə, hökumət başçısı Azərbaycan Respublikasının Naxçıvan Muxtar Respublikasında dronlarla həyata keçirilmiş hücumla bağlı narahatlığını ifadə edib.

İrakli Kobaxidze İlham Əliyevə həmrəyliyini bildirib və hadisə nəticəsində yaralanan vətəndaşlara tezliklə sağalmalarını arzulayıb.

Tərəflər iki ölkə arasında mövcud olan strateji tərəfdaşlığı, sıx siyasi münasibətləri və regionda sülh və sabitliyin qorunmasının xüsusi əhəmiyyətini vurğulayıblar.