Gürcüstan XİN Naxçıvanda dron hücumunu pisləyib

Gürcüstan Xarici İşlər Nazirliyi Azərbaycan Respublikasının Naxçıvan Muxtar Respublikasında dronlarla həyata keçirilmiş hücumu pisləyib.

InterPress.ge xəbər verir ki, bu barədə Gürcüstan Xarici İşlər Nazirliyinin yaydığı bəyanatda bildirilir.

Məlumata görə, hücum nəticəsində bir neçə mülki şəxs xəsarət alıb.

“Beynəlxalq hüququn prinsip və normalarını kobud şəkildə pozan və regionda vəziyyətin eskalasiyasına yönəlmiş istənilən hərəkət qəbuledilməzdir”, – deyə bəyanatda qeyd olunur.

Bəyanatda həmçinin vurğulanır ki, Gürcüstan və Azərbaycan arasında mövcud olan möhkəm dostluq və strateji tərəfdaşlıq münasibətlərini nəzərə alaraq, Gürcüstan bu çətin vəziyyətdə qardaş Azərbaycana həmrəyliyini ifadə edir.