İranın endirdiyi raket zərbələri nəticəsində dördüncü amerikalı hərbçi həlak olub

ABŞ-ın Mərkəzi Komandanlığının yaydığı məlumata görə, İranda davam edən əməliyyat çərçivəsində daha bir amerikalı hərbi qulluqçu həyatını itirib.

InterPress.ge xəbər verir ki, bununla da həlak olan ABŞ hərbçilərinin sayı dördə çatıb.

Məlumatda bildirilir ki, hərbçi İranın həyata keçirdiyi ilkin hücumlar zamanı aldığı ağır xəsarətlər nəticəsində vəfat edib.

“Əsas döyüş əməliyyatları və cavab tədbirlərimiz davam edir”, – deyə Mərkəzi Komandanlığın bəyanatında qeyd olunur.

CNN telekanalının məlumatına görə, həlak olan amerikalı hərbçi İranın Küveyt ərazisinə endirdiyi zərbələr nəticəsində yaralanmışdı.