İsrail Müdafiə Qüvvələri: İran kəşfiyyatının yüksək vəzifəli şəxsləri zərərsizləşdirilib

İran kəşfiyyatının bir sıra yüksək vəzifəli şəxsləri məhv edilib.

InterPress.ge xəbər verir ki, bu barədə İsrail Müdafiə Qüvvələrinin yaydığı məlumatda qeyd olunub.

Qurumun açıqlamasında bildirilir ki, İranın kəşfiyyat nazirinin İsrail məsələləri üzrə müavini Səid Yəhya Həmid, eləcə də Kəşfiyyat Nazirliyinin casusluq idarəsinin rəhbəri Cəlal Pur Hoseyni və rejimin digər yüksək vəzifəli şəxsləri öldürülüb. Digər şəxslərin kimliyi, eləcə də əməliyyatın detalları və həyata keçirilmə şəraiti açıqlanmayıb.

Bəyanatda həmçinin qeyd olunur ki, bir müddət əvvəl Tehranda İran Kəşfiyyat Nazirliyinin qərargahına zərbə endirilib.