Tbilisi və Batumi hava limanlarından 20-dən çox reys ləğv edilib

Regionda davam edən hadisələr fonunda Tbilisi və Batumi beynəlxalq hava limanlarından ümumilikdə 20-dən çox reys ləğv olunub. 

InterPress.ge xəbər verir ki, bu barədə “BusinessPressNews”a Gürcüstan Hava Limanları Birliyindən məlumat verilib.

Məlumata görə, martın 1-də Tbilisi Beynəlxalq Hava Limanından 17 reys həyata keçirilməyəcək. Batumi Beynəlxalq Hava Limanında isə bu günə planlaşdırılmış 4 reys ləğv edilib.

Tbilisi Beynəlxalq Hava Limanından aşağıdakı istiqamətlər üzrə uçuşlar baş tutmayacaq:

Tel-Əviv – 7 reys

Şarja – 2 reys

Dubay – 3 reys

Doha – 3 reys

Əbu-Dabi – 1 reys

Küveyt – 1 reys

Batumi Beynəlxalq Hava Limanından isə Tel-Əviv istiqamətində 4 reys ləğv olunub.