Kaya Kallas: İranla bağlı 1 martda Aİ Xarici İşlər Şurasının fövqəladə iclası keçiriləcək

Avropa İttifaqının xarici siyasət və təhlükəsizlik məsələləri üzrə ali nümayəndəsi Kaya Kallas bildirib ki, İranda baş verən hadisələrlə bağlı 1 mart tarixində Aİ Xarici İşlər Şurasının fövqəladə iclası keçiriləcək.

InterPress.ge xəbər verir ki, bu barədə Kallas X sosial şəbəkəsində yazıb. 

Kallas qeyd edib ki, o, Fars körfəzi ölkələrindəki tərəfdaşlarla əlaqə saxlayır.

“İran rejimi qonşularına qarşı hücumlar həyata keçirir ki, bu da regionun genişmiqyaslı müharibəyə cəlb olunması riskini yaradır. Biz bunu qınayırıq”, – deyə o bildirib.

Kallasın sözlərinə görə, “İran rejimi seçim etməlidir”.

“Vacibdir ki, müharibə daha da genişlənməsin”, – deyə Aİ-nin ali nümayəndəsi qeyd edib.