Türkiyədə F-16 qırıcısı qəzaya uğrayıb, pilot həlak olub

Türkiyədə F-16 tipli hərbi təyyarə qəzaya uğrayıb, nəticədə pilot həlak olub.

InterPress.ge xəbər verir ki, bu barədə Türkiyənin Müdafiə Nazirliyi məlumat yayıb.

Nazirliyin açıqlamasına görə, F-16 qırıcısı Balıkesir hava bazasından havaya qalxıb, lakin saat 00:56-da təyyarə ilə əlaqə itib.

“Axtarış-xilasetmə əməliyyatlarına başlanıldıqdan sonra təyyarənin qəzaya uğradığı və pilotun həlak olduğu müəyyən edilib”, – deyə Türkiyə Müdafiə Nazirliyi bildirib.

Nazirlikdən qeyd edilib ki, aviaqəzanın səbəbi aparılacaq istintaq nəticəsində müəyyən olunacaq.