Müxalifət partiyaları “kimyəvi zəhərlənmə” ilə bağlı məlumat toplamağa başlayır
Bir sıra müxalifət partiyaları “kimyəvi zəhərlənmə” ilə bağlı məlumatların toplanmasına başladıqlarını açıqlayıblar.
InterPress.ge xəbər verir ki, konkret olaraq, Vahid Milli Hərəkat, Droa, Axali və Girchi - Daha çox Azadlıq sosial şəbəkələrdə eyni məzmunlu bəyanat yayıblar.
Bəyanatda qeyd olunur ki, gürcü ekspertlərlə birgə İşgəncə Qurbanlarının Reabilitasiyası üzrə Beynəlxalq Şura (IRCT) və Müstəqil Məhkəmə Ekspertləri Qrupu (IFEG) tərəfindən xüsusi sorğu forması hazırlanıb və bu sorğunun nəticələri əsasında yekun rəy tərtib ediləcək.
Partiyalar etiraz aksiyalarının iştirakçılarını tədqiqatçılarla öz təcrübələrini bölüşməyə çağırıblar.
“Kimyəvi zəhərlənmə ilə bağlı məlumatların toplanmasına başlayırıq. Gürcü ekspertlərlə birlikdə IRCT və IFEG tərəfindən hazırlanmış sorğu əsasında yekun rəy hazırlanacaq. Etiraz iştirakçılarını bu imkandan istifadə etməyə və öz təcrübələrini tədqiqatçılarla bölüşməyə çağırırıq. Əhaliyə qarşı kimyəvi maddələrin istifadəsinin hansı sağlamlıq problemlərinə səbəb olduğunu bilməliyik. Sorğunu doldurmaqla kimyəvi zəhərlənmə ilə bağlı həqiqətin müəyyənləşdirilməsinə kömək etmiş olursunuz. Etimada görə təşəkkür edirik”, – deyə partiyaların “Facebook” sosial şəbəkəsində yaydıqları açıqlamada bildirilir.
