Qəsdən ağır xəsarət yetirməkdə təqsirləndirilən şəxs saxlanılıb

Şida Kartli Polis Departamentinin Qori Rayon İdarəsinin əməkdaşları 1989-cu il təvəllüdlü T.İ.-ni sağlamlığa qəsdən ağır zərər vurmaqda ittiham edərək saxlayıblar.

InterPress.ge xəbər verir ki,  bu barədə Daxili İşlər Nazirliyi məlumat verib. 

İstintaqla müəyyən edilib ki, təqsirləndirilən şəxs Qori bələdiyyəsinin Plavismana kəndində mübahisə zəminində 1984-cü il təvəllüdlü A.Q.-ya soyuq silahla qarın nahiyəsindən ağır xəsarət yetirib və hadisə yerindən qaçıb.

Nazirliyin məlumatına əsasən, yaralı kişi tibbi yardım göstərilməsi üçün klinikaya yerləşdirilib və ona təcili cərrahi əməliyyat aparılıb.

Keçirilmiş operativ tədbirlər və istintaq hərəkətləri nəticəsində hüquq-mühafizə orqanları T.İ.-ni hadisədən qısa müddət sonra təqsirləndirilən şəxs qismində saxlayıblar.

Faktla bağlı Gürcüstan Cinayət Məcəlləsinin 117-ci maddəsinin birinci hissəsi ilə istintaq aparılır. Həmin maddə 7 ilədək azadlıqdan məhrumetmə cəzasını nəzərdə tutur.