“Qaxaria Gürcüstan Naminə” partiyası “Rustavi 2”nin debat təklifini rədd edib

“Qaxaria Gürcüstan Naminə” partiyası “Rustavi 2” telekanalının Gürcüstanın Avrointeqrasiyası ilə bağlı debatlarda iştirak etmək təklifini qəbul etmədiyini bəyan edib.

InterPress.ge xəbər verir ki, bu barədə partiya sosial şəbəkədə məlumat yayıb.

Partiyanın açıqlamasında bildirilir ki, Avrointeqrasiya Gürcüstanın tarixi və konstitusion seçimidir və bu məsələ debat mövzusu deyil.

“Avrointeqrasiya ölkəmizin tarixi və konstitusion seçimidir və Gürcüstan əhalisi bu seçimi qətiyyətlə dəstəkləyir. Buna görə də burada müzakirə ediləcək heç nə yoxdur”, – deyə bəyanatda qeyd olunub.