2026-2027-ci tədris ili: Dövlət universitetlərində qəbul planı açıqlandı
2026-2027-ci tədris ilində İvane Cavaxişvili adına Tbilisi Dövlət Universitetində mövcud proqramlar üzrə qəbul planı ümumilikdə 6 650 tələbə yeri ilə müəyyənləşdirilib.
InterPress.ge xəbər verir ki, Gürcüstan Texniki Universitetində növbəti tədris ili üçün 3 880 qəbul yeri nəzərdə tutulub. İlia Dövlət Universitetində isə mövcud proqramlar üzrə ümumilikdə 300 tələbənin qəbulu mümkün olacaq.
Dövlət universitetlərində proqramlar üzrə qəbul ediləcək tələbələrin sayı və kvotaların bölgüsü ilə bağlı müvafiq sənəd baş nazir tərəfindən dünən imzalanıb.
Qərara əsasən, ölkə üzrə bakalavriat və birpilləli təhsil proqramları üçün qəbul yerlərinin ümumi sayı 21 300 olaraq müəyyən edilib.
Magistratura proqramlarına gəlincə, sənədə əsasən ümumilikdə 3 233 qəbul yeri ayrılıb. Onlardan 1 013 yer Tbilisi Dövlət Universiteti, 660 yer Gürcüstan Texniki Universiteti, 60 yer isə İlia Dövlət Universiteti üçün nəzərdə tutulub.
