ATƏT-in Demokratik Təsisatlar və İnsan Haqları Bürosunun (ODIHR) məlumatına görə, ATƏT-in “Moskva mexanizmi” çərçivəsində yaradılmış ekspert missiyası bu gün – 11 fevral tarixindən etibarən Gürcüstanda işə başlayır.
InterPress.ge xəbər verir ki, bununla bağlı məlumatı OSCE Office for Democratic Institutions and Human Rights yayıb.
Xatırladaq ki, ATƏT-in 23 üzv dövləti 29 yanvar tarixində Gürcüstanla bağlı “Moskva mexanizmi”ni işə salıb. Qərarın məqsədi Gürcüstanın ATƏT çərçivəsində üzərinə götürdüyü öhdəliklərin yerinə yetirilməsinin qiymətləndirilməsidir. Qiymətləndirmədə əsas diqqət 2024-cü ilin payızından etibarən baş verən hadisələrə yönəldiləcək.
