Marneulidə baş verən ağır yol qəzasında bir nəfər həyatını itirib

Marneuli–Sadaxlı avtomobil yolunda baş verən yol-nəqliyyat hadisəsi zamanı bir nəfər həyatını itirib.

InterPress.ge xəbər verir ki, qəza nəticəsində ağır xəsarət alaraq xəstəxanaya aparılan orta yaşlı kişi Sadaxlı kənd sakini olub.

Məlumata görə, həkimlərin səylərinə baxmayaraq, yaralının həyatını xilas etmək mümkün olmayıb və o, xəstəxanada dünyasını dəyişib.

Faktla bağlı hüquq-mühafizə orqanları tərəfindən araşdırma aparılır.