Marneuli–Sadaxlı yolunda ağır yol qəzası baş verdi - FOTO

Marneuli–Sadaxlı avtomobil yolunda yol-nəqliyyat hadisəsi qeydə alınıb.

InterPress.ge xəbər verir ki, qəza yolun Sadaxlı kəndi ərazisindən keçən hissəsində baş verib.

Məlumata görə, iki minik avtomobili toqquşub. Hadisə nəticəsində bir neçə nəfər müxtəlif dərəcəli bədən xəsarətləri alıb. Yaralılardan bəzilərinin vəziyyətinin ağır olduğu bildirilir və onlar təcili tibbi yardım briqadası tərəfindən xəstəxanaya aparılıb.

Hadisə yerinə təcili tibbi yardım, xilasetmə qrupu və polis əməkdaşları cəlb olunub. Faktla bağlı araşdırma aparılır.