Qardabanidə dəhşətli hadisə: kişi həyat yoldaşını bıçaqlayaraq qətlə yetirdi

Qardabani şəhər mərkəzində baş verən hadisə nəticəsində bir qadın həyatını itirib.

InterPress.ge xəbər verir ki, ilkin məlumata görə, ər arvadına bıçaq xəsarətləri yetirərək onu öldürüb.

Bildirilir ki, hadisədən əvvəl cütlük mebel mağazasında olub və orada aralarında mübahisə yaranıb. Münaqişənin konkret səbəbi hələlik məlum deyil.

Şübhəli şəxs artıq saxlanılıb.

Daxili İşlər Nazirliyinin məlumatına görə, faktla bağlı Cinayət Məcəlləsinin 11 prima, 109-cu maddəsi ilə istintaq aparılır. Həmin maddə ağırlaşdırıcı hallarda, ailə üzvünün qəsdən öldürülməsini nəzərdə tutur.