Qızıl və gümüşün qiymətləri ucuzlaşmaqda davam edir

Dünya bazarlarında qızıl və gümüşün qiymətlərində azalma müşahidə olunur.

InterPress.ge xəbər verir ki, GoldPrice portalının məlumatına görə, Tbilisi vaxtı ilə saat 12:30-da bir unsiya qızılın qiyməti 4 638 ABŞ dolları təşkil edib ki, bu da bir gün ərzində 5,21 faiz ucuzlaşma deməkdir.

Gümüşün qiymətində də azalma qeydə alınıb: hazırda bir unsiya gümüş 78,83 dollar dəyərindədir ki, bu da sutkalıq müqayisədə 7,64 faiz dəyişmə göstərir.

Qiymət azalması Gürcüstan bazarında da özünü göstərir. Belə ki, 999 əyarlı qızılın 1 qramının qiyməti 431 lariyə düşüb. Halbuki ötən həftə bu göstərici 480 lari idi. 750 əyarlı qızılın 1 qramı hazırda 323 lari təşkil edir (bir neçə gün əvvəl 361 lari), 585 əyarlı qızılın 1 qramının qiyməti isə 252 lariyə enib (ötən həftə 281 lari).

Gümüşün qiymətində də azalma var. 999 əyarlı gümüşün 1 qramı 8,93 lariyə satılır (ötən həftə 10,77 lari), 800 əyarlı gümüşün 1 qramını isə hazırda 7,15 lariyə almaq mümkündür. Bir neçə gün əvvəl bu qiymət 8,61 lari idi.