Polis ailə üzvünə fiziki və cinsi istismar edən və onu öldürməklə hədələyən şəxsi saxlayıb

Tbilisi Polis Departamentinin Köhnə Tbilisi Baş İdarəsinin əməkdaşları ailə üzvünə qarşı zorakılıq, zorlama, qeyri-insani rəftar, hədə-qorxu, həmçinin əmlakın qəsdən zədələnməsi ittihamları ilə 2007-ci il təvəllüdlü S.J.-ni saxlayıblar.

InterPress.ge xəbər verir ki, bu barədə Gürcüstan Daxili İşlər Nazirliyi məlumat verib. 

İstintaqla müəyyən edilib ki, təqsirləndirilən şəxs 2005-ci il təvəllüdlü K.Ş.-yə qarşı sistematik şəkildə fiziki zorakılıq tətbiq edib, onu həyatına son qoymaqla hədələyib və cinsi zorakılıq göstərib. Bildirilir ki, şübhəlinin törətdiyi əməllər nəticəsində zərərçəkən intihara cəhd edib.

Keçirilən əməliyyat-axtarış tədbirləri və istintaq hərəkətləri nəticəsində S.J. təqsirləndirilən şəxs qismində saxlanılıb.

Fakt üzrə araşdırma Gürcüstan Cinayət Məcəlləsinin 11 prima 137-ci (zorakılıqla zorlama), 11 prima 151-ci (hədə-qorxu), 11 prima 187-ci (əmlakın qəsdən zədələnməsi), 144 tertsiya (qeyri-insani rəftar) və 126 prima (ailə zorakılığı) maddələri ilə aparılır. Sözügedən maddələr 13 ilədək azadlıqdan məhrumetmə cəzasını nəzərdə tutur.