Mixeil Kavelaşvili Müqəddəs Nino günü münasibətilə 59 nəfəri əfv edib

Gürcüstan Prezidenti Mixeil Kavelaşvili Müqəddəs Nino gününə həsr olunmuş əfv aktı çərçivəsində 59 nəfərə şamil olunan qərar qəbul edib.

InterPress.ge xəbər verir ki, bu barədə Prezidentin mətbuat xidməti məlumat yayıb.

Məlumatına görə, əfv aktı 57 məhkumun cəzasına şamil olunub, daha 2 nəfərin isə məhkumluğu ləğv edilib.

Məlumatda qeyd olunur ki, əfv qərarı Gürcüstan Prezidentinə Konstitusiya ilə verilmiş müstəsna səlahiyyətlər çərçivəsində qəbul edilib və humanizm prinsiplərinə, eləcə də dövlət maraqlarına əsaslanır.