Polis qırmızı bülletenlə axtarılan Türkiyə vətəndaşını Batumidə saxladı

Gürcüstan Daxili İşlər Nazirliyinin əməkdaşları İnterpol tərəfindən qırmızı bülletenlə axtarışda olan Türkiyə Respublikası vətəndaşını Batumidə saxlayıblar.

InterPress.ge xəbər verir ki, bu barədə Gürcüstan Daxili İşlər Nazirliyi məlumat verib. 

Nazirliyin yaydığı məlumata görə, saxlanılan şəxs hədə-qorxu, təhqir, eləcə də az miqdarda döyüş sursatının qanunsuz əldə edilməsi və saxlanılması ittihamları ilə axtarışda olub.

Bildirilib ki, İnterpolun qırmızı bülleteni ilə axtarılan, 1988-ci il təvəllüdlü A.Ç. Gürcüstan Daxili İşlər Nazirliyinin Mərkəzi Kriminal Polis Departamentinin Acarıstan Baş İdarəsi və Miqrasiya Departamentinin əməkdaşları tərəfindən saxlanılıb.

Məlumata əsasən, A.Ç. Türkiyə Respublikası tərəfindən müxtəlif kateqoriyalı cinayətlər, o cümlədən hədə-qorxu, təhqir və az miqdarda döyüş sursatının qanunsuz əldə edilməsi və saxlanılması faktları üzrə axtarışda idi.

Hazırda saxlanılan şəxs barəsində qanunvericiliyə uyğun olaraq ekstradisiya prosedurları davam etdirilir.