Ağır yol qəzası: 21 yaşlı gənc həyatını itirdi

Gürcüstanın Çxorotsku bələdiyyəsi ərazisində baş verən yol-nəqliyyat hadisəsi bir nəfərin ölümü, bir nəfərin isə xəsarət alması ilə nəticələnib.

Mövcud məlumata görə, Zumi kəndi ərazisində minik avtomobilinin sürücüsü idarəetməni itirib, avtomobil yoldan çıxaraq ağaca çırpılıb. Qəza nəticəsində avtomobildə olan 21 yaşlı gənc hadisə yerində həyatını itirib. Digər xəsarət alan şəxs təcili tibbi yardım briqadası tərəfindən xəstəxanaya çatdırılıb. Həkimlərin verdiyi məlumata əsasən, yaralının həyatı üçün təhlükə yoxdur.

Daxili İşlər Nazirliyinin məlumata görə, faktla bağlı Gürcüstan Cinayət Məcəlləsinin 276-cı maddəsi ilə istintaq başlanılıb. Qurumdan bildirilib ki, avtomobilin sürücüsü saxlanılıb.