Donald Tramp: Çin və Rusiyanın qorxduğu və hörmət etdiyi yeganə ölkə ABŞ-dır

ABŞ prezidenti Donald Trump sosial şəbəkədə paylaşımında bildirib ki, Çin və Rusiyanın qorxduğu və hörmət etdiyi yeganə ölkə onun rəhbərliyi dövründə “bərpa edilən” ABŞ-dır.

Donald Trampın sözlərinə görə, ABŞ olmadan nə NATO, nə də alyansın mövcudluğu Rusiya və Çini qorxuda bilir. O qeyd edib ki, Vaşinqtonun rolunun azalması NATO-nun çəkisini də ciddi şəkildə zəiflədir.

“Şübhə edirəm ki, əgər bizə həqiqətən ehtiyac yaranarsa, NATO bizim yanımızda olacaq. Biz isə hər zaman NATO-nun yanında olacağıq, hətta onlar bizim yanımızda olmasalar belə. Çin və Rusiyanın qorxduğu və hörmət etdiyi yeganə ölkə Donald Tramp tərəfindən bərpa edilən ABŞ-dır”, – deyə ABŞ prezidenti yazıb.

Trampın bu açıqlaması Rusiya və Çinlə münasibətlər, eləcə də NATO-nun gələcək rolu ilə bağlı müzakirələrin fonunda səsləndirilib.