Tbilisidə bıçaqlanma faktı ilə bağlı bir nəfər saxlanılıb

Tbilisidə, Nutsubidze küçəsində baş verən bıçaqlanma hadisəsi ilə bağlı bir nəfər saxlanılıb.

InterPress.ge xəbər verir ki, bu barədə Gürcüstan Daxili İşlər Nazirliyi məlumat yayıb.

Bildirilir ki, saxlanılan şəxs əvvəllər məhkum olunub.

Məlumata görə, Daxili İşlər Nazirliyinin Tbilisi Polis Departamentinin Vake-Saburtalo Baş İdarəsinin əməkdaşları 1988-ci il təvəllüdlü, keçmişdə məhkum olunmuş A.L.-ni qəsdən sağlamlığa ağır xəsarət yetirmə ittihamı ilə saxlayıblar.

İstintaqla müəyyən edilib ki, şübhəli şəxs Nutsubidze küçəsində baş vermiş mübahisə zəminində soyuq silahdan istifadə edərək 1991-ci il təvəllüdlü L.M.-ni yaralayıb və hadisə yerindən qaçıb. Yaralanan şəxs xəstəxanaya yerləşdirilib və ona müvafiq tibbi yardım göstərilir.

Aparılan istintaq və əməliyyat-axtarış tədbirləri nəticəsində A.L. Tbilisidə saxlanılaraq məsuliyyətə cəlb edilib. Faktla bağlı istintaq Gürcüstan Cinayət Məcəlləsinin 117-ci maddəsi üzrə aparılır. Həmin maddə yeddi ilədək azadlıqdan məhrumetmə cəzasını nəzərdə tutur.