Levan Maçavariani: “Avropalı siyasətçi yalan danışmır” deyənlərə artıq tənqidi düşünməyin vaxtıdır

“Gürcü Arzusu” fraksiyasının sədr müavini Levan Maçavariani Avropa İttifaqının xarici siyasət və təhlükəsizlik məsələləri üzrə ali nümayəndəsi Kaja Kallasın estoniyalı siyasi opponentinə qarşı səsləndirdiyi ittihamları sonradan təkzib etməsi və böhtanı etiraf etməsi ilə bağlı yayılan məlumatlara münasibət bildirib.

Maçavariani sosial şəbəkədə yazıb ki, cəmiyyətə “əgər siyasətçi avropalıdırsa, deməli yalan danışmır” fikrini aşılayanlar yanılır və artıq bu yanaşmaya tənqidi baxmağın vaxtı çatıb. Onun sözlərinə görə, baş verənlər siyasi mənsubiyyətin və ya coğrafiyanın siyasətçilərin davranışına avtomatik zəmanət vermədiyini açıq şəkildə göstərir.