Boris Conson: Ukraynanın NATO-ya üzv olması üçün real şans olmayıb

Böyük Britaniyanın sabiq baş naziri Boris Conson bildirib ki, 2016–2022-ci illər ərzində NATO-nun bütün mühüm görüşlərində iştirak edib və həmin dövrdə Ukraynanın Alyansa üzv olması üçün ən kiçik real imkan belə mövcud olmayıb.

Onun sözlərinə görə, Ukraynanın NATO-ya üzvlüyü ilə bağlı irəli sürülən istənilən təklif ABŞ, Almaniya, Fransa və digər ölkələr tərəfindən dərhal veto edilərdi. Conson vurğulayıb ki, bu mövzuda konsensus tamamilə mümkün deyildi.

“Ukraynanın NATO-ya üzvlüyü ilə bağlı hər hansı təklif dərhal Fransa, Almaniya, ABŞ və bir çox başqa dövlət tərəfindən veto edilərdi. Bu, yekdil və tam rədd cavabı olardı”, – deyə Boris Conson Norveçdə keçirilən Holberq illik debatlarında çıxışı zamanı bildirib.