Marneulidə ağır yol qəzası baş verdi - Yaralılar var (FOTO)

Marneulidə ağır yol-nəqliyyat hadisəsi baş verib.

InterPress.ge xəbər verir ki, Toyota markalı avtomobillə Mercedes-Benz markalı avtomobilin toqquşması nəticəsində qəza qeydə alınıb.

Toqquşmanın təsirindən Toyota markalı nəqliyyat vasitəsi yoldan çıxaraq xəndəyə düşüb. Hadisə nəticəsində iki nəfər müxtəlif dərəcəli bədən xəsarətləri alıb və onlar təcili tibbi yardım briqadası tərəfindən Marneulidə yerləşən xəstəxanaya çatdırılıb. Yaralıların vəziyyətinin ağır olmadığını bildirilir.

Qəza yerinə təcili tibbi yardım əməkdaşları, xilasetmə qrupu və polis ekipajları cəlb olunub, faktla bağlı araşdırma aparılır.