Yaşayış binasında baş verən yanğında kişi həyatını itirib

Potidə çoxmərtəbəli yaşayış binasında baş verən yanğın nəticəsində 60 yaşına yaxın bir kişi həlak olub.

InterPress.ge xəbər verir ki, hadisə gecə saatlarında Ruxadze küçəsində yerləşən binanın mənzillərindən birində baş verib.

Məhlə sakinlərinin sözlərinə görə, həyatını itirən şəxs tək yaşayırdı. Hadisə yerinə bir neçə yanğınsöndürmə-xilasedici briqada cəlb olunub, həmçinin polis əməkdaşları da ərazidə mobilizə olunub.

Yanğının başvermə səbəbi hələlik məlum deyil.