Batumi–Maxinjauri yolunda qəza baş verib

Batumi–Maxinjauri mərkəzi avtomobil yolunda baş verən yol-nəqliyyat hadisəsi nəticəsində üç nəfər xəsarət alıb.

InterPress.ge xəbər verir  ki, yaralılardan ikisi təcili tibbi yardım briqadası tərəfindən Batumi Respublika Xəstəxanasına, biri isə “Medcenter” klinikasına aparılıb.

Hadisə bir neçə avtomobilin mərkəzi magistral yolda toqquşması nəticəsində baş verib.

Qəza yerinə Daxili İşlər Nazirliyinin əməkdaşları və xilasedicilər cəlb olunub.