Vika Pilpani: “Harada ‘Vahid Milli Hərəkat’ olacaq, biz orada olmayacağıq”

“Qaxaria Gürcüstan üçün” partiyasının deputatı Vika Pilpani 28 noyabrda keçiriləcək aksiya haqqında danışarkən bildirib ki, onların siyasi qüvvəsi “Vahid Milli Hərəkat”ın iştirak etdiyi heç bir tədbirə qatılmayacaq.

Pilpaninin sözlərinə görə, bir il əvvəl başlayan etirazlar xalqın səmimi qəzəbinin ifadəsi idi, lakin bəzi siyasi qrupların addımları bu etirazları zədələdi və 4 oktyabrda baş verən provokasiya ilə vəziyyət daha da pisləşdi:

“Düz bir il əvvəl bu etirazlar xalqın səmimi narazılığı ilə başladı. Təəssüf ki, proses sonradan müəyyən siyasi qüvvələrin zərərli addımları ilə çirkləndi. Bəzi siyasi qruplar insanların səmimi etirazını yerlə-yeksan etdilər və 4 oktyabr provokasiyası ilə buna nöqtə qoydular. Buna görə də, harada ‘Vahid Milli Hərəkat’ olacaq, biz orada olmayacağıq,” – deyə Vika Pilpani bildirib.