Mərkəzi Kriminal Polis Departamentinin Acarıstan Baş İdarəsinin və Baş Prokurorluğun əməkdaşları İnterpol tərəfindən “qırmızı bildiriş”lə axtarılan Türkiyə vətəndaşı, 1991-ci il təvəllüdlü E.D.-ni Qobuletidə saxlayıblar.
InterPress.ge xəbər verir ki, bu barədə Daxili İşlər Nazirliyi məlumat yayıb.
Məlumata görə, E.D. 2025-ci il 17 oktyabr tarixindən etibarən Türkiyədə törədilmiş qəsdən adam öldürmə və qəsdən bədən xəsarəti yetirmə ittihamları ilə beynəlxalq axtarışda olub.
Hazırda saxlanılan şəxs barəsində qanunvericilikdə nəzərdə tutulmuş ekstradisiyaqabağı prosedurlar həyata keçirilir.
