Gürcüstan parlamenti idxal olunan siqaretlərə aksizin artırılmasını ilk oxunuşda təsdiqlədi

Parlament “Vergi Məcəlləsi”nə dəyişiklikləri sürətli prosedurla müzakirə edərək ilk oxunuşda dəstəkləyib.

InterPress.ge xəbər verir ki, dəyişikliklərin əsas yeniliklərindən biri idxal olunan siqaretlərə tətbiq edilən sabit aksiz dərəcəsinin 1,9 laridən 2,75 lariədək artırılmasıdır.

“Gürcü Arzusu” fraksiyasının deputatları tərəfindən hazırlanmış layihəyə əsasən, siqaret məhsullarına aksiz dərəcələri yenidən müəyyənləşdirilir.

Qanun layihəsinə görə:

Yerli istehsal olunan siqaretlərə 1,3 lari sabit aksiz dərəcəsi müəyyən edilir və əlavə olaraq 15%-lik ad valorəm (faizli) aksiz vergisi tətbiq olunacaq.

İdxal olunan siqaretlərə sabit aksiz dərəcəsi 1,9 laridən 2,75 lariədək artırılır,

İdxal siqaretlərinə tətbiq edilən ad valorəm aksiz dərəcəsi isə 30%-dən 20%-ə endirilir.

Dəyişiklik həmçinin ildə 35 milyon qutuya qədər yerli istehsal olunan siqaretlərə də şamil olunur.

Layihənin növbəti oxunuşlarda da müzakirəsi davam etdiriləcək.