Gürcüstan sərhədini qanunsuz keçdiyinə görə bir nəfər saxlanıldı

Gürcüstan Daxili İşlər Nazirliyinin məlumatına görə, Acarıstan polisinin və Mərkəzi Kriminal Polis Departamentinin əməkdaşları ölkə sərhədini qanunsuz keçdiyinə görə axtarışda olan Türkiyə vətəndaşı, 1992-ci il təvəllüdlü D.Q.-nı saxlayıblar.

Rəsmi məlumata əsasən, saxlanılan şəxs bu ilin sentyabr ayından etibarən sərhədi qanunsuz keçmə ittihamı ilə axtarılırdı. Şübhəli şəxs Batumidə keçirilmiş əməliyyat nəticəsində tutulub və artıq penitensiar müəssisəyə yerləşdirilib.

Faktla bağlı Cinayət Məcəlləsinin 344-cü maddəsi üzrə istintaq aparılır. Qanunsuz sərhəd keçidi 5 ilədək azadlıqdan məhrumetmə cəzası nəzərdə tutur.