Oğurluq edən şəxs saxlanıldı

Tbilisidə mənzildən qiymətli əşyaların və pulun oğurlanması faktı üzrə şübhəli şəxs saxlanılıb.

InterPress.ge xəbər verir ki, bu barədə məlumatı Gürcüstan Daxili İşlər Nazirliyi yayıb.

Məlumata görə, 1971-ci il təvəllüdlü R.C. paytaxtda, 1972-ci il təvəllüdlü İ.V.-yə məxsus mənzilə qanunsuz daxil olaraq müxtəlif növ qiymətli əşyaları və pulu oğurlayıb, daha sonra isə hadisə yerindən qaçıb.

Keçirilmiş istintaq tədbirlərinin nəticəsində şübhəli şəxs saxlanılıb, oğurlanmış əşyalar isə maddi sübut kimi götürülüb.

Faktla bağlı istintaq Gürcüstan Cinayət Məcəlləsinin 178-ci maddəsinin 2-ci bəndinin “a” və 3-cü bəndinin “g” yarımbəndləri ilə aparılır. Cinayət 8 ilədək azadlıqdan məhrumetməni nəzərdə tutur.