Rustavidə Mtkvari çayında 16 yaşlı yeniyetmənin axtarışları hələ də davam edir.
InterPress.ge-nin məlumatına görə, xilasedicilər və dalğıclar Qırmızı körpüyə qədər çayın məcrasına baxış keçiriblər.
Hadisə şahidinin verdiyi məlumata görə, sentyabrın 14-də səhər saatlarında o, sağ və sol sahilləri birləşdirən körpünün məhəccərindən asılmış köynək görüb.
Mövcud məlumata görə, hüquq-mühafizə orqanlarının əməkdaşları körpünün ərazisində cib telefonu və qulaqcıq aşkar ediblər.
Xatırladaq ki, 16 yaşlı Rezo Dataşvili sentyabrın 14-də yoxa çıxıb və o vaxtdan axtarılır.
