Narkoloji test üçün klinikaya aparılan şəxslər həkimləri və polisləri döydülər

Kutaisidə narkotestdən keçmək üçün klinikaya aparılan şəxslər həkimlərə və polis əməkdaşlarına fiziki hücum ediblər.

InterPress.ge xəbər verir ki, bu barədə Daxili İşlər Nazirliyi məlumat yayıb.

Hadisə Avtozavod yaşayış massivində yerləşən klinikalardan birində baş verib. Məlumata görə, narkotestdən keçməkdən imtina edən vətəndaşlar əvvəlcə tibbi personal ilə, daha sonra isə polis əməkdaşları ilə qarşıdurmaya səbəb olublar.

Nazirliyin məlumatına görə, faktla bağlı Gürcüstan Cinayət Məcəlləsinin 126-cı (zorakılıq) və 353-cü (polis əməkdaşına hücum) maddələri üzrə istintaq başladılıb.