Baramidze: “4 oktyabrda küçələrdə sülh yolu ilə inqilab edəcəyik”

“Biz inanırıq ki, bizim və bununla yanaşı, ‘Rustaveli prospekti hərəkatının’ çağırışı eşidiləcək və 4 oktyabrda gürcü cəmiyyəti seçki adlandırılan rus xüsusi əməliyyatının məntəqələrində deyil, şəhərlərimizin küçələrində toplaşacaq – biz sülh yolu ilə inqilab edəcəyik!”

InterPress.ge xəbər verir ki, bunu “Vahid Milli Hərəkat” partiyasının siyasi katibi Qiorqi Baramidze jurnalistlərə açıqlamasında deyib.

Onun sözlərinə görə, “sülh yolu ilə inqilab” Konstitusiyada təsbit olunmuş hüquqdur.

“Biz 4 oktyabra yaxınlaşırıq. İnanırıq ki, çağırış yalnız bizim deyil, ilk növbədə Paatə Burçuladzenin rəhbərlik etdiyi ‘Rustaveli prospekti hərəkatının’ çağırışı da eşidiləcək. Çağırış ondan ibarətdir ki, gürcü cəmiyyəti 4 oktyabrda seçki adlandırılan rus xüsusi əməliyyatının məntəqələrinə deyil, küçələrə çıxsın. İlk növbədə Rustaveli prospektinə toplaşaq və birlikdə bu xain və cinayətkar dəstəyə ‘yox’ deyək. Bəli, biz bu rejimi sülh yolu ilə devrəcəyik, sülh yolu ilə inqilab edəcəyik. Sülh yolu ilə inqilab Konstitusiyada yazılmış hüquqdur,” – deyə Baramidze bildirib.

Baramidze həmçinin “Dəyişikliklər koalisiyası”nın liderlərindən biri olan Elene Xoştariyanın saxlanılmasına da münasibət bildirib və ona həmrəylik ifadə edib.

“Mən xain və cinayətkar rus dəstəsi tərəfindən Elene Xoştariyanın həbsinə münasibət bildirmək istəyirəm. Onu Kaxa Kaladzenin banerini zədələdiyinə görə saxladılar. Halbuki bu rejim illərlə ‘Vahid Milli Hərəkat’ın ofislərinə hücum edildikdə, hətta güllə atıldıqda belə barmaq tərpətməyib, iş də açmayıb və ya yalnız formal açıb. Bu xain və cinayətkar dəstə bir nəfər günahkarı belə həbs etməyib. Biz Elene Xoştariyaya həmrəylik bildiririk. O, öz növbəsində gənc qız [Meqi Diasamidze] ilə həmrəylik nümayiş etdirdi. Xoştariya çox düzgün olaraq Kaladzenin xüsusi əməliyyat banerinə yazdı ki, özünü gürcü adlandıran ‘Arzu’ əslində ‘Rus arzusudur’ və rusların arzusudur. Onlar rusların işini görürlər,” – deyə Baramidze qeyd edib.