DTX rəhbərinə yeni müavinlər təyin olunub

Dövlət Təhlükəsizlik Xidmətinin (DTX) yeni rəhbəri Mamuka Mdinaradzenin müavinləri təyin olunub.

InterPress.ge xəbər verir ki, bu barədə qurumun özü məlumat yayıb.

Qurumun məlumatına görə, DTX rəhbərinin birinci müavini vəzifəsinə ədliyyə nazirinin birinci müavini Laşa Mağradze gətirilib.

Bundan əlavə, DTX rəhbərinin müavinləri postuna ədliyyə nazirinin müavini Aleksandre Maisuradze, Kvemo Kartli bölgəsində dövlətin səlahiyyətli nümayəndəsi Levan Xarabadze və DTX-nin Dövlət Təhlükəsizliyi Departamentinin direktoru Tamaz Boraşvili təyin ediliblər.

Qeyd edək ki, Mamuka Mdinaradze ötən gün parlamentin qərarı ilə Dövlət Təhlükəsizlik Xidmətinin rəhbəri vəzifəsinə seçilib.